今日特登请咗半日假，带部老伙计去车房“叹”个大保健。

199688公里数咯老伙计😁继续服务，预约咗小虎保养，百零蚊可以做 都唔错噶啦！ 睇住部海马骑士被升降机托起，露出成个底盘，真系有啲唏嘘，跟咗我咁多年，到处都系岁月嘅痕迹。今次主要系换咗啲油水，师傅话部车年纪大咗，要用啲好嘅制动液，个刹车先至够力，毕竟安全系第一位。

换完嘢，坐返落驾驶位试咗试，感觉脚感确实清爽咗唔少，方向都好似轻咗。虽然部车唔系咩名贵车，但系只要肯花钱花时间保养，佢一样可以精神爽利咁载住我同屋企人周围去。老车就系咁，你对佢好，佢就唔会抛锚俾面睇，稳稳阵阵先系真。师傅话嗰个轮胎，前边轮胎要换咧，等到六一八有活动先啦，食到好损啊，仲有前摆臂左右都要换啊，暂时唔理佢先啦！不过为咗安全仲系要换咗佢嘅，因为上咗 100 就方向盘好抖动了…下次继续 210000 公里再做机油保养咯哈哈